Djasabra 27 di yuni Inter-Continental University of the Caribbean (antes bou di nomber di CURISES)a tene su di 20 seremonia di graduashon. Na e graduashon aki un total di 84 studiante a risibi un diploma o sertifikado.

E siguiente gruponan a risibi un diploma:

• 16 BBA International Hospitality & Tourism Management
• 40 BBA General Management
• 1 Bachelor Accountancy
• 3 Master of Science in Accountancy
• 2 AA (administratie accountantsconsulenten)
• 1 MBA Educational Management
• 12 MBA General Management

E diplomanan aki ta rekonose i akredita serka Ministerio di Ensenansa di Korsou pa loke ta konserni e programa di Management, pa NVAO i/o CEA (instituto ulandes ku ta akredita tur programa di Accountancy na Ulanda)  pa loke ta konserni e programanan di Accounting.

Aparte di esaki 5 studiante a risibi un pre bachelor sertifikado. Esaki ta un programa ku ta duna studiantenan ku no tin e diplomanan pa drenta un universidat e posibilidat pa hana e konosementu pa nan por drenta den nos programa di Bachelor.
Tres studiante a risibi nan sertifikado pa e programa di DBA. E programa aki ta para pa Doctor in Business Administration. Na final e programa aki ta duna e studiante e oportunidat pa hiba e titulo di Doctor. E delaster programa aki ta ser kordina pa prof Cijntje i Prof Jansen di VU-Universidat  na Amsterdam.

Durante di e seremonia ICUC a anunsia tambe ku nan ta bai adopta dos hoben di Skol Basiko Santa Famia pa asina guia i coach e dos hobennan durante di un periodo di 1 ana.