Ku plaser Inter Continental University of the Caribbean a risibí e notisia for di Kansas, Merka ku Accreditation Council for Business Schools and Programs (www.acbsp.org) a akreditá nos universidat internashonalmente.
Accreditation Council Business Schools Programs (ACBSP) ta un instituto di akreditashon ku ta rekonosé pa Council for Higher Education Accreditation (CHEA) i instituí pa departamentu di Edukashon i Siensia na Merka. Su tres kantornan ta na Kansas, Merka; Brusela, Bélgika i Lima, Peru.
ACBSP ta e úniko organisashon mundialmente ku ta akreditá profeshonalmente programanan di Management i ku ta duna
“specialized business accreditation for all degree levels, from associate to baccalaureate to doctoral degree programs”.
Na momentu aki ACBSP ta konta ku 1,215 Universidat ku ta miembro di kual 235 ta for di Merka. Un total di 951 a logra te ku awor pa haña un akreditashon.
Den su relato ACBSP ta bisa ku
“ACBSP accreditation certifies that the teaching and learning processes within the business programs and degrees offered through the School of Management & Leadership at ICUC meet the rigorous educational standards established by ACBSP”.
E forma i kriterianan ku ta usa, ta basá riba National Malcolm Baldridge Quality Award. Den e proseso ta evalua aspektonan manera Leadership, planifikashon stratégiko, relashon ku komunidat di Kòrsou, kalidat di programanan akadémiko, kredenshal di dosentenan i nan forma di duna servisio, i sosten edukashonal.
“Inter Continental University of the Caribbean has shown their commitment to teaching excellence and to the process of quality improvement by participating in the accreditation process. This accreditation is evidence that ICUC is committed to providing the highest quality business education for their students.” ta e palabranan di ACBSP Chief Accreditation Officer Dr. Steve Parscale, ku lo presentá e Certificate of Accreditation na ICUC durante di un ACBSP Conference “Exploring trends, Assessing Quality and Improving Education” na Atlanta den yüni próksimo. “
Presidente i Direktornan di ICUC huntu ku e delegashon di ACBSP
ICUC lo selebrá e logro aki ku un kantidat di aktividat den luna di mei i yüni.
Nos lo hasi esaki ku apertura di un entrada nobo di ICUC na Molenplein. Esaki lo tuma lugá dia 25 di mei próksimo. Ku esaki nos lo inisia un tienda chiki ku lo ofrese buki, estudionan di ICUC, i otro material di ICUC. Mas lat riba e dia aki nos lo tene un seri di charla ku ta trata diferente tópiko, manera “Kon laga belasten paga un parti di bo estudio”, “Kacho di kaya na Kòrsou: menasa pa nos bida den bario” i “Posishon di muhe balente na boka di trabou”. Lo tene tambe un diskushon di mesa rondo kaminda nos lo diskutí riba e fenmeno na Korsou kaminda hende homber i muhe bon studia ta hana o tuma retiro. E diskushon lo hiba komo titulo “Ayera: Manager, Awe: Desempleá; Mayan Kreadó di Trabou”. Banda di esaki lo tin tambe un seminario tokante importansha di nos ekonomia lokal i ku nos ekonomia ta na estado awor si o no.
Djaweps dia 26 di mei na Kura Hulanda lo tene un konferensha riba Turismo na Kòrsou i kon lo por alkansá nos plannan pa e próksimo añanan. Ta masha nèchi pa traha plan pero importante ta pa ehekutánan.
Den e siman di 30 di mei nos lo organisá varios enkuentro bou di e lema “No laga ningun hende gañabo: elekshon di 30 di september no ta importante”. Den e siman históriko di 30 di mei nos lo pasa 3 pa 4 programa na radio i tv kaminda algun analista polítiko independiente lo tira un bista riba elekshon benidero. Shap, e programa radial seminal ku ta ser transmití via di Radio Hoyer I den su format nobo, lo organisá esaki.
Riba 30 di mei nos lo tene tambe un workshop tokante di importansha di Entrepreneurship. E Workshop aki lo ser guiá pa prof Wagner ku konosé Kòrsou ya pa mas ku 20 aña. E workshop aki ta mas bien pa nos studiantenan, graduadonan. Si sobra lugá nos lo por aseptá otro interesado.
Den luna di yüni nos ta bini ku otro aktividatnan ku mas despues nos lo bai anunsiá.
Ku e aktividatnan aki ICUC ke demonstrá ku e ke duna servisio na nos komunidat dor di informá i diskutí. Un komunidat ku no ta informá, ta un komunidat ku no por partisipá aktivo den desaroyo di su mes i di su propio komunidat.
Kontakt:
Prof. Dr. Gilbert Cijntje, Director – Centre of Management Leadership – Inter Continental University of the Caribbean — g.cijntje@icuc.org, or
Melinda Dorning — Director, Marketing and Communications — ACBSP
913-339-9356 – mdorning@acbsp.org
